Eir scha l’utuon pera dad esser auncha dalöntsch davent (cun telas chaluors), vains già fat nossa spassageda. Essans partieus da Buffalora sül Munt da la Schera, inua cha vains giodieu la bella vista. Ün pô malign es que sto a vzair da lo davent il Lej da Livign e da nu pudair fer aint ün sagl. Per furtüna d’eira giò’n Alp la Schera ün bügl cun ova fras-cha, per implir las butiglias vödas u per chatscher aint ün mumaintin il cho. Zieva la marenda essans stos cuntaints cha la senda vers Il Fuorn manaiva tres il god a sumbriva. 
Düraunt il viedi vers chesa varegian bgers s’insömgios da la duscha fraida u stüdgio scha füss listess auncha da fer ün sagl aint in bügl.