Duos dis da skis scu our dal catalog vains pudieu giodair ila 14 ed ils 15 da marz sü Corvatsch e Corviglia/Marguns. 

Tschêl blov sainza ün’uncia nüvlina, sulagl da marz, pistas da sömmi, pocha glieud, naiv da bellezza e buna cumpagnia. 

Las impreschiuns da las scolarsas/scolars: 

“A vaiva pocha glieud sün pista, uschè cha vains pudieu ir scu las frizzas.” 

“Eau d’he gieu plaschair dad ir cun mieus amihs sün pista.” 

“L’ora es steda super! Uossa d’heja però per la peja üna cotta.”  

“Bun tip per la prosma vouta sün pista: metter sü crema da sulagl!” 

“Il pü flot es sto dad ir sur ils grands sagls, eau d’he dafatta imprains a fer il 540°.” 

“In nossa gruppa vains ris da schlupper.” 

“La granda part da mia gruppa es pü u main riveda a chesa intera ed intratta.”