Cu as po pigler our dad üna plaunta las uduors? Cu savura dschember? Che effet ho ginaiver?

Per chatter respostas sün quellas dumandas s’haun las scolaras ed ils scolars da la 1. e 2. reela partecipos ad ün lavuratori organiso da la Pro Terra Engiadina. Els haun pudieu observer il process da destillaziun ed haun scuviert il muond dad uduors da plauntas indigenas. A la fin dal di sune turnos a chesa cun nes plains uduors e cun ün üt creo svess chi güda cunter barba giat, mel il cho u per durmir bain.