Las prümas e las seguondas classas da nossa scoula haun visito la gövgia passeda l'exposiziun da proffessiun grischuna "Fiutscher". Lo haun els gieu la pussibilited da clapper ün'invista in 70 differents misters.

Ün pêr impreschiuns da las scolaras e dals scolars:

"Eau d'he bado ch'eau d'he püs interess".

"Ad es sto ün'aventüra a sfundrer i'l muond vast da misters".

"Üna bun'occasiun per gnir in contact cun otra glieud e per avair curaschi da dumander que cha's vess gugent da savair".

" Eau sun gnieu a savair cha tar mieu mister da sömmi "polizist" es minchadi different e cha que nu vain mê lungurus.

"A me ho que plaschieu cha's ho pudieu pruver our differentas chosas ."