Eir quist an vains nus fat üna bella spassageda d’utuon. Nus essans rivos cun l’auto da posta a Buffalora ed essans partieus vers il Munt la Schera. Las frizzas da nus sun idas fin süsom il Munt la Schera per giodair la bella vista. Per gianter ans vains alura tuots darcho chattos tar l’Alp la Schera. Zieva üna bella posa vains be auncha stuvieu river al Fuorn per partir vers chesa.

Cò ün pêr impreschiuns da scolaras e scolars:

• «Eau d’he passanto ün bel di insembel cun tuots.»
• «La vista sül Munt la Schera es steda bellischma e nus vains vis da tuottas sort bes-chas, dafatta il girun barbet.»
• «Ad esser ün di illa natüra m’ho fat bain.»
• «Tuots vaivan buna glüna, nus vains chanto bger e ris üna pruna.»

Per giodair ün dals ultims dis da sted, vains fat nossa spassageda güst al cumanzamaint da l’an da scoula. Nus essans partieus a bunura davent dal Pass dal Güglia ed essans rivos sülla Fuorcla Grevasalvas cun buoch’avierta. Che bella vista süllas muntagnas engiadinaisas e’ls lejs! Vers saira essans turnos davent da Plaun da Lej vers chesa.

Am Dienstag, den 20. August 2024 starteten wir unsere legendäre Herbstwanderung um 09.15 Uhr bei der Resgia in Zuoz. Es ging auf dem Munt Seja zum Lej da Prastinaun, wo wir uns mit einer Marenda stärkten. Mit aufgelandenen Akkus und neuer Energie wanderten wir zur Alp Arpiglia und von da aus weiter Richtung Zuoz. Es war ein wunderschöner und erlebnisreicher Tag bei herrlichem Wetter.