Viedi da scoula a Tenero

Las scolaras ed ils scolars da las 2. classas haun passanto ün’eivna aint il center naziunel per sport a Tenero (CST). Düraunt l’eivna haune pudieu pruver our üna pruna differentas activiteds sportivas.

Cò ün pêr impreschiuns da las scolaras ed ils scolars :

« Nus vains fat üna spassegeda da Tenero a Locarno e vains gieu dad ir sü dad uschè bgeras s-chelas, cha a la fin nu vulaivi pü vzair s-chelas. »

« Rivos darcho a Zuoz, vulaivi be ir auncha a durmir.”

“Grandas e bellas aventüras a Tenero ».

« Grazcha a tuots per quist enorm viedi. Eau al vuless gugent fer aunch’üna vouta ! »

« Scu prüm nu vaivi vöglia dad ir, ma cur cha nus essans rivos l0, d’eira que bel chodin ed eau d’he vis tuot que cha’s po fer… »

« Aint illa mensa as pudaiva tscherner menüs, a nu daiva be ün. »

« La grillparty in venderdi saira es steda il meglder mumaint a Tenero. »

« Que es vairamaing sto bun cha nus nu vaivans adüna il handy. Uschè vains pudieu discuorrer culs oters sainza esser distrats. »

« Già zieva il prüm di d’heja savieu cha quist’eivna saro üna da las pü bellas algordanzas da mieu temp da scoula ».