La Scoula La Plaiv as partecipescha daspö il 2012 al proget chantuel «scoula in muvimaint». Il proget accumpagna e sustegna l’imprender e l’instruir cun muvimaint e promouva il manger saun in scoula. Muvimaint es ün elemaint essenziel da la cultura sauna, dal svilup e da la furmaziun da la scoula. Ils iffaunts survegnan tres la «scoula in muvimaint» avuonda spazi per seguir a lur bsögn natürel da’s schmuanter, per exaimpel cun posas da muvimaint düraunt l’instrucziun, cun fasas dad imprender cun muvimaint, cun pussibilteds da’s schmuanter sün la plazza da scoula, etc.

«Scoula in muvimaint» promouva la concentraziun, la prontezza d’imprender, la sandet, la prestaziun scolastica e la motivaziun dals scolars e da las scolaras.